أربعاء...خميس...جمعة

شأكتب لكم ..عن يوم الأربعاء؟ او عن الكلبة "ليللي" إللي زارتنا الخميس؟ أو عن الهلالي المتعصب وقصته أمس الجمعة؟
أما يوم الأربعاء فخوفي أنكم تكرهوني وتكرهون الفرقة وياي...فلن أتكلم عن أروع روعة أقصد أروع فرقة
أما الكلبة أكرمكم الله...فهي كلبة لواحد من الشباب جابها للشقة عشان يغسلها ويشصورها (يسويلها شصوار وقصة وحركات) والأدهى والأمر أنه مسميها ليللي ..تصدقون؟ يطلع فيها للشوارع عشان يخرع خلق الله..مسكين
الهلالي المتعصب...هذا واحد من الربع هلالي متعصب حتى النخاع إذا تكلم عن الهلال ما يعرف الصح من الغلط يعرف إن الهلال صح وغيره غلط بس..قبل مباراة الهلال والشباب البارحة جلس يتكلم ويتوعد ويحلف أن الهلال مستحيل مستحيل ينهزم... بعد الهدف الأول صغر وجهه بس ما زال يتكلم أن الهلال سينتفض و و و من كلام جرايد هاليومين... بعد الهدف الثاني صغر وجهه أكثر وقال: هاه لا هالبطولة فدى خل يستانسون .. وبعد الهدف الثالث .. طبعاً وجهه اختفى ولا قدر يفتح بوزه ... تصدقون إن هذي النوعية من الجماهير هي إللي تكرهني بالهلال؟